بابراعظم کا فون گم ہونا مارکیٹنگ اسٹنٹ نکلا، مداح بھڑک اُٹھے

قومی ٹیم کے سابق کپتان بابراعظم کا موبائل گُم ہونے سے متعلق بیان مارکیٹنگ اسٹنٹ نکلا۔

بابراعظم نے اپنا موبائل کھو یا چوری ہوجانے کی اطلاع سماجی رابطے کی سائٹ انسٹاگرام پر اسٹوری کی صورت میں شیئر کی۔

انہوں نے مداحوں کو اپنے ساتھ پیش آئی پریشانی کے حوالے سے بتایا کہ میرا موبائل فون کھو گیا جس کے بعد سارے رابطے کے نمبر بھی چلے گئے ہیں تاہم اب خبر سامنے آئی ہے کہ یہ ایک مارکیٹنگ اسٹنٹ تھا۔

مزید پڑھیں: اداکارہ نے ”بابراعظم” سے سرِعام محبت کا اظہار کردیا

بابراعظم کی پوسٹ مداحوں نے تشویش کا اظہار کرتے ہوئے کرکٹر کو پریشان نہ ہونے کی یقین دہانی کرائی تھی۔

مزید پڑھیں: بابراعظم کو بیٹ کیساتھ معاوضہ بھی ملے گا، مگر کتنا؟

سابق کپتان نے نجی کمپنی کی مارکیٹنگ کرتے ہوئے بتایا کہ فون مل گیا، اور آپ کی تمام پریشانیوں کو بہت سراہا جاتا ہے، انہوں نے پوسٹ پر ہنستے ہوئے ایموجی کو بھی شامل کیا۔

قومی کرکٹر کے فون اسٹنٹ پر کچھ شائقین حظوظ ہوئے جبکہ دیگر نے بابراعظم کو کو مشورہ دیا کہ وہ اپنی فارم پر توجہ مرکوز کریں ناکہ ڈرامے بازیوں پر!۔