ایشیا کپ میں بھارت کی بنگلا دیش کو 41 رنز سے شکست، فائنل میں جگہ پکی کرلی

ایشیاکپ کے اہم میچ میں بھارت نے بنگلا دیش کو 41 رنز سے شکست دے کر فائنل میں جگہ پکی کرلی۔

بنگلا دیش کی ٹیم بھارت کی جانب سے دیئے گئے 169 رنز کے ہدف کے تعاقب میں 19.3 اوورز میں 127 رنز بنا کر آوٹ ہو گئی اور 41 رنز سے شکست کا سامنا کرنا پڑا

بنگلا دیش کی جانب سے سیف حسن نے 69 رنز کی شاندار اننگ کھیلی لیکن وہ ٹیم کو جیت دلوانے میں کامیاب نہیں ہو سکے۔

پرویز حسین نے 21 رنز بنائے ان کے علاوہ بنگلا دیش کی ٹیم کا کوئی بھی کھلاڑی خاطر خواہ کارکردگی دکھانے میں کامیاب نہ ہو سکا۔

بھارت کی جانب سے کلدیپ یادیو نے تین، جسپریت بمراہ اور ورن چکرورتی نے 2، 2 وکٹیں حاصل کیں جبکہ اکشر پٹیل اور تلک ورما نے ایک ایک وکٹ حاصل کی۔

اس سے قبل بنگلا دیش نے ٹاس جیت کر فیلڈنگ کا فیصلہ کیا جس پر بھارت نے 20 اوورز میں 6 وکٹوں کے نقصان پر 168 رنز بنائے جس میں اوپننگ بیٹسمین ابھیشیک شرما 75 رنز کے ساتھ سرفہرست رہے جبکہ ہاردک پانڈیا 38 اور شبھمن گل 29 رنز بناے میں کامیا ب ہوئے ، ان کے علاوہ کوئی اور کھلاڑی خاطر خواہ کارکردگی نہیں دکھا سکا۔

ایشیا کپ کا فائنل میچ 28ستمبر کو اتوار کے روز کھیلا جائے گا۔