ویمنز ورلڈ کپ میں قومی ٹیم کو بنگلادیشی ٹیم کے ہاتھوں شکست
WebDesk
02 اکتوبر, 2025 22:58
The national team was defeated by the Bangladesh team in the Women's World Cup.
ویمنز ورلڈ کپ میں بنگلادیشی ٹیم نے شاندار کارکردگی دکھاتے ہوئے پاکستان ٹیم کو باآسانی 7 وکٹوں سے شکست دے دی۔
بنگلادیش ویمنز نے 130 رنز کا ہدف باآسانی 31.1 اوورز میں 3 وکٹوں کے نقصان پر حاصل کرلیا۔
فرغانا حق 2 رنز بنا کر آؤٹ ہوئیں، شمین اختر 10 اور کپتان نگار سلطانہ 23 رنز کر پویلین لوٹ گئیں۔ جبکہ روبیہ حیدر نے 54 رنز کی میچ وننگ اننگز کھیلی۔ پاکستان کی جانب سے فاطمہ ثنا، ڈیانا بیگ اور رامین شمیم نے ایک، ایک وکٹ حاصل کی۔
پہلے کھیلے ہوئے پاکستان ویمنز ٹیم کی بیٹنگ لائن دم خم نہ دکھاسکی۔پوری ٹیم بنگلادیش کے خلاف 129 رنز پر ڈھیر ہوگئی۔
رامین شمیم 23 اور کپتان فاطمہ ثنا 22 رنز بنا کر نمایاں رہیں، پانچ بیٹرز ڈبل فگر میں بھی داخل نہ ہوسکیں۔
بنگلادیش کی جانب سے معروفہ اختر اور ناہدی اختر نے دو، دو وکٹیں حاصل کیں۔
Catch all the کھیل News, Breaking News Event and Trending News Updates on GTV News
Join Our Whatsapp Channel GTV Whatsapp Official Channel to get the Daily News Update & Follow us on Google News.
خاص خبریں
