مشہور فٹبالر رونالڈو نے ایک اور اعزاز سمیٹ لیا، دنیا کے پہلے ارب پتی فٹبالر بن گئے

مشہور پرتگالی فٹ بالر کرسٹیانو رونالڈو دنیا کے پہلے ارب پتی فٹبالر بن گئے۔

امریکی جریدے بلوم برگ کی تازہ ترین بلینیئرز انڈیکس جاری کردیے۔ رپورٹ کے مطابق رونالڈو کی دولت کا تخمینہ 1.4 ارب ڈالر لگایا گیاہے۔

Cristiano Ronaldo has become the first billionaire football player, according to the Bloomberg Billionaires Index, thanks to a huge Saudi deal in the twilight of his career.

Here’s how his wealth stacks up: https://t.co/eW1MTtJBPp

📷: Yasser Bakhsh/Getty Images pic.twitter.com/Ve3abAXz0e

— Bloomberg (@business) October 8, 2025

40 سالہ اسٹار فٹبالر کی دولت میں اس وقت نمایاں اضافہ ہوا جب انھوں نے جون میں سعودی کلب النصر کے ساتھ ایک نیا معاہدہ کیا، جس کی مالیت تقریباً 400 ملین ڈالر بتائی گئی تھی۔

رونالڈو نے 2002 سے 2023 کے دوران صرف تنخواہ کی مد میں 550 ملین ڈالر سے زائد کمائے جبکہ Nike کے ساتھ ایک دہائی پر محیط اسپانسرشپ ڈیل سے انھیں ہر سال تقریباً 18 ملین ڈالر حاصل ہوئے۔

اس کے علاوہ دیگر مشہور برانڈز کے اشتہارات سے رونالڈو نے  175 ملین ڈالر سے زیادہ کی آمدنی حاصل کی۔

رونالڈو اب ان چند کھلاڑیوں کی فہرست میں شامل ہو گئے ہیں جو کھیل کی دنیا میں ارب پتی بنے، جن میں مائیکل جارڈن، میجک جانسن، لیبرون جیمز، گالفر ٹائیگر ووڈز اور ٹینس اسٹار راجر فیڈرر جیسے نام شامل ہیں۔