پی ایس ایل کا اگلا سیزن کب ہوگا، کون سی نئی ٹیم شامل ہورہی ہے؟

پاکستان کرکٹ بورڈ نے پاکستان سپر لیگ کے میچز آیندہ سال رمضان کے بعد کرانے کا فیصلہ کرلیا۔ ذرائع کے مطابق سریز میں دو اضافی ٹیموں کے ساتھ پی ایس ایل 11، انڈین پریمیئر لیگ کے ساتھ ہوگی۔

ذرائع کے مطابق ہے کہ پی ایس ایل فرنچائز اور پی سی بی کے درمیان کئی معاملات حل طلب ہیں اور ابھی تک باضابطہ ایسی میٹنگ نہیں ہوئی جس میں اگلے پی ایس ایل ایونٹ پر بات چیت کی گئی ہو۔

اگلے سال کے شروع میں ٹی ٹوینٹی ورلڈ کپ کی وجہ سے پی ایس ایل فروری مارچ میں ہونہیں سکےگا۔  ٹی ٹوینٹی ورلڈ کپ کی تیاریوں کے سلسلے میں پاکستان اور آسٹریلیا کے درمیان 3 ٹی ٹوینٹی میچوں کی سیریز ہوگی جس کے بعد پاکستان اور بنگلا دیش کے درمیان 2 ٹیسٹ میچوں کی سیریز ہوگی۔

ٹی ٹوینٹی ورلڈ کپ اور پی ایس ایل کے بعد پاکستان اور آسٹریلیا کے درمیان 3 ون ڈے انٹرنیشنل کی سیریز ہوگی۔ بنگلا دیش کی ٹیسٹ سیریز کے بعد وائٹ بال سیریز مئی کے بعد ہوگی۔

پاکستان ٹیم بنگلا دیش میں 3 ون ڈے اور 3 ٹی ٹوینٹی انٹر نیشنل میچ کھیلے گی۔ پاکستان اور زمبابوے کے درمیان بھی 3 ون ڈے اور 3 ٹی ٹوینٹی انٹر نیشنل میچ ہوں گے۔ اس لیے پاکستان کرکٹ بورڈ  آیندہ سال اپریل اور مئی میں 2 اضافی ٹیموں کے ساتھ پی ایس ایل کراناچاہتا ہے۔

دوسری جانب آئی پی ایل کا اگلا ایڈیشن 15 مارچ سے 31 مئی تک کھیلا جائے گا اس لیے اس بار بھی قوی امکان ہے کہ دونوں بڑی لیگز کے میچز کی تاریخوں میں ٹکراؤ ہو اور بہت سے انٹرنیشنل کھلاڑی دونوں میں سے کسی ایک لیگ کا انتخاب کر سکیں۔