وائٹ بال سیریز کیلئے قومی اسکواڈزکا اعلان، ٹی ٹوئنٹی میں بابر اعظم اور نسیم شاہ کی واپسی
WebDesk
23 اکتوبر, 2025 09:51
Babar back in T20 fold as Pakistan name squads for home white-ball series
پاکستان کرکٹ بورڈ (پی سی بی) نے جنوبی افریقہ کے خلاف وائٹ بال سیریز کے لیے قومی اسکواڈز کا اعلان کر دیا ہے۔
پی سی بی کے مطابق جنوبی افریقہ کے خلاف ٹی ٹوئنٹی اور ون ڈے دونوں سیریز کے لیے یہ اسکواڈز منتخب کیے گئے ہیں، اور یہی ٹیمیں سری لنکا کے خلاف ون ڈے سیریز اور تین ملکی ٹی ٹوئنٹی ٹورنامنٹ میں بھی حصہ لیں گی، جس میں زمبابوے بھی شامل ہوگا۔
ٹی ٹوئنٹی اسکواڈ میں سلمان علی آغا کپتان ہوں گے۔ دیگر کھلاڑیوں میں عبدالصمد، ابرار احمد، بابر اعظم، فہیم اشرف، حسن نواز، محمد نواز، محمد وسیم جونیئر، محمد سلمان مرزا، نسیم شاہ، صاحبزادہ فرحان، صائم ایوب، شاہین آفریدی، عثمان خان اور عثمان طارق شامل ہیں جبکہ فخر زمان، حارث رؤف اور سفیان مقیم کو ریزرو کھلاڑیوں میں رکھا گیا ہے۔
ون ڈے اسکواڈ میں شاہین شاہ آفریدی کپتان ہوں گے۔ ان کے ساتھ ابرار احمد، بابر اعظم، فہیم اشرف، فیصل اکرم، فخر زمان، حارث رؤف، حسیب اللہ، حسن نواز، حسین طلعت، محمد نواز، محمد رضوان، محمد وسیم جونیئر، نسیم شاہ، صائم ایوب اور سلمان علی آغا شامل ہیں۔
پی سی بی کے مطابق پاکستان اور جنوبی افریقہ کے درمیان ٹی ٹوئنٹی سیریز 28 اکتوبر سے یکم نومبر تک کھیلی جائے گی۔
جبکہ تین ملکی ٹی ٹوئنٹی ٹورنامنٹ 17 سے 29 نومبر تک راولپنڈی اور لاہور میں منعقد ہوگا۔
Catch all the کھیل News, Breaking News Event and Trending News Updates on GTV News
Join Our Whatsapp Channel GTV Whatsapp Official Channel to get the Daily News Update & Follow us on Google News.
خاص خبریں
پاکستان
ہنگو میں پولیس چیک پوسٹ پر بارودی مواد کا دھماکا: ایس پی آپریشنز اسد زبیر سمیت 3 اہلکار شہید
24-اکتوبر،2025
