انٹرنیشنل سوئمر اور کوچ خالد زمان خان انتقال کر گئے

پاکستان کے معروف بین الاقوامی سوئمر اور کوچ خالد زمان خان انتقال کر گئے ہیں۔

خالد زمان خان نے اپنی زندگی کا بڑا حصہ سوئمنگ کے کھیل کو دیا۔ وہ نہ صرف ایک اچھے کھلاڑی تھے بلکہ ایک ماہر کوچ بھی تھے۔ انہوں نے کئی نوجوان کھلاڑیوں کو تربیت دی اور انہیں قومی و بین الاقوامی سطح تک پہنچنے میں مدد فراہم کی۔

مرحوم اولمپین سوئمر کرن خان اور بسمہ خان کے والد تھے۔ ان کے اہل خانہ کے مطابق ان کی نماز جنازہ کل بعد نماز ظہر لاہور کے علاقے گارڈن ٹاؤن کے 82 ابوبکر بلاک میں ادا کی جائے گی۔

ان کے انتقال پر کھیلوں سے وابستہ شخصیات، سابق کھلاڑیوں اور شاگردوں نے گہرے رنج و غم کا اظہار کیا ہے۔ سب کا کہنا ہے کہ خالد زمان خان کی خدمات کو ہمیشہ یاد رکھا جائے گا۔