غزہ: موسیقی سکھانے کیلئے اسرائیلی ڈرون کی آواز استعمال، مگر کیسے؟

غزہ میں استاد بچوں کو موسیقی سکھانے کے لیے اسرائیلی ڈرون کی آواز استعمال کرنے لگے۔

رپورٹ کے مطابق غزہ میں ایک استاد نے اسرائیلی ڈرون کی آواز کو بچوں کے لیے موسیقی کے سبق میں تبدیل کر دیا اور اسرائیلی فوج کے مسلسل حملے کے دوران فلسطینیوں کی بہادری کی ایک اور مثال پیش کی۔

فلسطینی سوشل میڈیا اکاؤنٹس پر بڑے پیمانے پر شیئر کی جانے والی ایک ویڈیو میں دیکھا جا سکتا ہے کہ استاد کلاس روم میں گٹار تھامے بچوں کو موسیقی کی تعلیم دے رہے ہیں۔

ویڈیو میں دیکھا جا سکتا ہے کہ جیسے جیسے اسرائیلی ڈرون کی آواز بلند ہوتی ہے استاد اپنے طالب علموں کو ڈرون کے لہجے کے ساتھ گونجنے کی ترغیب دیتے ہیں۔

خوف کی علامت کو اچانک موسیقی کی مشق میں تبدیل کرتے ہوئے وہ بچوں سے کہتے ہیں ڈرون کے لہجے کو تبدیل کرنے کا انتظار کریں تاکہ ہم کسی اور کی طرف منتقل ہو سکیں۔

بچے اپنے استاد کی رہنمائی میں ڈرون کی آواز کے ساتھ ہم آہنگی سے گنگنانا شروع کر دیتے ہیں۔

 

View this post on Instagram

 

A post shared by Translating Palestine فلسطين (@translating_falasteen)

اس دل کش ویڈیو نے بہت سے لوگوں کے دلوں کو چھو لیا، جس سے ظاہر ہوتا ہے کہ کس طرح فلسطینی انتہائی سنگین اور افسوسناک حالات میں بھی زندگی، تخلیقی صلاحیت اور لچک تلاش کر رہے ہیں۔

تاہم، غزہ کی صورت حال کی حقیقت سنگین ہے۔ 7 اکتوبر سے اب تک اسرائیلی فوجی کارروائیوں کے نتیجے میں 41 ہزار سے زائد فلسطینی شہید ہو چکے ہیں جن میں 16 ہزار 456 بچے اور 11 ہزار خواتین شامل ہیں۔

فلسطینی حکومت کے انفارمیشن آفس نے اطلاع دی ہے کہ اسرائیلی فوج کی جانب سے مسلسل فضائی اور توپ خانے کے حملوں کی وجہ سے غزہ کے تقریبا 1.7 ملین شہری بے گھر ہو چکے ہیں۔