ایلون مسک کو سیاستدان کیخلاف ٹویٹس کرنا مہنگا پڑ گیا

برطانوی سکیورٹی حکام نے امریکی ارب پتی ایلون مسک کی برٹش منسٹر جیس فلپ کیخلاف متنازع ٹویٹس پر مانیٹرنگ شروع کر دی۔

غیر ملکی میڈیا رپورٹ کے مطابق برطانوی سیکورٹی حکام نے ٹیسلا کے سربراہ ایلون مسک کی ٹویٹس کی مانٹیرنگ شروع کردی، جس کے تحت انکے دیگر متنازع پوسٹوں کو بھی ممکنہ سیکورٹی رسک کے طور پر مانیٹر کیا جارہا ہے۔

رپورٹ میں بتایا گیا کہ سیکورٹی ٹیم اس بات کا جائزہ بھی لے رہی ہے کہ ان پوسٹوں کی پہنچ کہاں تک ہے اور کون انکے ساتھ ’انگیج‘ ہورہا ہے، پوسٹوں کی نگرانی ہوم آفس کی ہوم لینڈ سیکورٹی کی ٹیم کررہی ہے جو قومی سلامتی کے خطرات کو کم کرنے کی ذمہ دار سمجھی جاتی ہے۔

مزید پڑھیں:پاکستانیوں پر الزامات لگانے سے ایلون مسک کو منہ کی کھانا پڑ گئی

میڈیا نے دعویٰ کیا ہے کہ گھریلو تشدد اور خواتین پر تشدد کے خلاف مہم چلانے والے جیس فلپ کے مطابق پوسٹ کے سبب انھیں دھمکیاں دی جارہی ہیں، وزیر اعظم سر کئر اسٹارمر نے گرومنگ گینگز کے خلاف نئی انکوائری کا مطالبہ مسترد کرکے کارروائی پر زور دیا تھا۔

مزید بتایا گیا کہ گرومنگ گینگز کے سات سالہ انکوائری کے بعد 20 سفارشات میں سے اب تک ایک پر بھی عمل نہیں ہوا ہے، ہوم سیکرٹری تین سفارشات پر عمل کیلئے لائحۂ عمل کا اعلان پیر کو کریں گی۔

برطانوی میڈیا ذرائع نے انکشاف کیا ہے کہ ایلون مسک کی تعریف کرنے والے ریفارم یوکے کے ایم پی روپرٹ لو نے ہوم آفس سے جواب مانگ لیا جس میں کہا گیا کہ ہوم آفس بتائے کہ ایلون مسک کی کیوں اور کتنی پوسٹوں کی چھان بین کی جارہی ہے اور ان کتنا پیسہ خرچ ہوا؟

روپرٹ لو نے مزید کہا کہ ایلون مسک کی آن لائن جاسوسی اور عصمت دری کرنے والے ہزاروں غیر ملکیوں کے خلاف انکوائری نہ کرنا افوسناک ہے۔

خیال رہے کہ ٹیسلا اور ایکس کے سربراہ ایلون مسک نے اپنی پوسٹ میں برطانوی منسٹر جیس فلپ کو “ریپ نسل کشی کو معافی دینے والا” قرار دیا تھا۔