ملک بھر میں شب معراج منانے کیلئے 3 چھٹیوں کا اعلان

کویت کی سول سروس کمیشن نے ملک بھر میں شب معراج منانے کیلئے تین چھٹیوں کا اعلان کر دیا۔

غیر ملکی میڈیا کے مطابق کویت کی سول سروس کمیشن نے ملک بھر میں شب معراج کے جشن کے موقع پر 30 جنوری جمعرات سے ہفتہ، 1 فروری 2025 تک تین دن کی عوامی تعطیل کا اعلان کیا ہے۔

اگرچہ شب معراج 27 جنوری کو ہے، لیکن کویتی حکومت نے 30 جنوری جمعرات سے تعطیل منانے کا فیصلہ کیا ہے، جس سے شہریوں کو ایک طویل ویک اینڈ فراہم کیا جا رہا ہے۔ یہ فیصلہ ملک کی مذہبی رسومات اور عملی ضروریات کے توازن کیلئے کیا گیا ہے۔

مزید پڑھیں:سال 2024 میں کتنی چھٹیاں ہوں گی؟

خیال رہے کہ یہ تعطیل نبی اکرم محمد (صلی اللہ علیہ وآلہ وسلم) کے معجزاتی سفر اور عروج کی یادگار ہے اور دنیا بھر میں مسلم آبادی کیلئے اہمیت رکھتی ہے۔