یاسر حسین اپنے انتقال کی خبر دیکھ کر آگ بگولہ ہوگئے

پاکستانی اداکار، مصنف اور ہدایتکار یاسر حسین سوشل میڈیا پر اپنے ہی انتقال کی جھوٹی خبر دیکھ کر آگ بگولہ ہوگئے۔

فوٹو اینڈ ویڈیو شیئرنگ ایپ انسٹاگرام پر یاسر حسین نے اسٹوری اڈیٹ کرتے ہوئے ایک ایسی خبر کی نشاندہی کی جو انکے انتقال پر مبنی تھی۔ اسٹوری میں اداکار نے ان ڈیجیٹل کریٹرز کو تنقید کا نشانہ بنایا جو غلط تھمب نیلز پوسٹ کرکے کلک بیٹ بناتے ہیں۔

انہوں نے یوٹیوب پر اپنی موت کی جعلی خبر دوبارہ شیئر کی، جس میں یہ کہا گیا تھا کہ اداکارہ اقراء عزیز کے شوہر یاسر حسین کا انتقال ہو گیا۔

مزید پڑھیں:یاسر حسین کا ترکش اداکار سے ملنے والے پاکستانی اداکاروں پر طنز

اس تہلکہ خیز خبر کو شیئر کرتے ہوئے یاسر حسین نے شدید برہمی کا اظہار کرتے ہوئے لکھا کہ،’یہ خبر جس نے بھی لگائی ہے اسے اگلی خبر اپنی والدہ کے بیوہ ہونے کی بھی لگانی چاہیے’۔