تہران کی سپریم کورٹ میں مسلح شخص کی فائرنگ، 2 ممتاز ججز شہید

مہر خبررساں ایجنسی کی رپورٹ کے مطابق، تہران میں نامعلوم شخص نے قاتلانہ حملہ کرکے ایرانی سپریم کورٹ کے 2 ممتاز ججوں کو شہید کردیا ہے۔ رپورٹ کے مطابق ہفتے کی صبح ایک مسلح شخص نے باقاعدہ منصوبہ بندی کے تحت ججوں پر حملہ کیا۔ حملے کے نتیجے میں سپریم کورٹ کے جج حجت الاسلام رازینی اور حجت الاسلام مغیسہ شہید ہو گئے۔

مزید پڑھیں:ایران اور روس کے مابین اہم معاہدہ طے پاگیا

مزید پڑھیں:ایران بھر میں فلسطینی مزاحمت کی فتح کا جشن، ہزاروں افراد شریک

ذرائع کے مطابق حملہ آور کے خلاف سپریم کورٹ میں نہ کوئی کیس چل رہا ہے اور نہ کسی کیس کا مدعی ہے۔

ایرانی میڈیا کے مطابق فائرنگ سے جاں بحق ہونے والے ججوں میں علی رازینی اور محمد مغیثی شامل ہیں، دونوں جج صاحبان قومی سلامتی، جاسوسی اور دہشتگردی سے متعلق کیسز کی سماعت کررہے تھے۔