ایران اور پاکستانی افواج کو باہمی تعاون بڑھانا چاہئے، ایرانی آرمی چیف

ایران کی مسلح افواج کے سربراہ میجر جنرل محمد باقری نے ایران اور پاکستان کی مسلح افواج کو دہشت گردی کے خلاف جنگ میں اپنے تعاون کو فروغ دینے پر زور دیا ہے۔

اتوار کی شب پاکستان پہنچنے والے میجر جنرل محمد باقری نے پیر کی صبح اپنے دورے کے مقاصد کے بارے میں کہا کہ دو دوست اور برادر ممالک کی سرحدوں کا خیال رکھنے کے لیے زیادہ طاقت کی ضرورت ہوتی ہے کیونکہ دشمن سرحدوں کا غلط استعمال کرنے کی کوشش کر رہے ہیں اس لیے مزید تعاون اور ہم آہنگی کی ضرورت ہے۔

انہوں نے کہا کہ ہم نے مشترکہ سرحدوں کو بند کرنے کا کام شروع کیا ہے، متعدد سرحدی مارکیٹیں فعال ہوچکی ہیں اور کچھ دیگر استحصال کے عمل میں ہیں، اور دونوں ممالک کے درمیان تجارتی و معاشی تعلقات کو فروغ دینا ضروری ہے۔

ایرانی آرمی چیف کا کہنا تھا کہ ایران اور پاکستان کی مسلح افواج کو دہشت گرد، علیحدگی پسند عناصر اور گروہوں کے خلاف مل کر مزید کام کرنا چاہئے تاکہ وہ سلامتی میں بہتری دیکھ سکیں۔

میجر جنرل محمد باقری نے کہا کہ ہم پاکستانی ہم منصبوں کے ساتھ تعلیم، معلومات، مشقوں اور دفاعی صنعت کے شعبوں میں بھی بات چیت کریں گے، البتہ ایران پاکستان کے ساتھ ان تعاون اور کوآرڈینیشن پر سنجیدگی سے عمل کرتا ہے۔