ایکس (ٹوئٹر) میں ٹک ٹاک جیسے زبردست فیچر کا اضافہ

مائیکرو بلاگنگ سوشل میڈیا پلیٹ فارم ایکس (ٹوئٹر) کا استعمال اب کافی حد تک ٹک ٹاک جیسا محسوس ہوگا کیونکہ اس میں ایک ایسے فیچر کا اضافہ کیا گیا ہے جو تقریباً مخالف ایپ سے مماثلت رکھتا ہے۔

آپ نے بلکل درست پڑھا ہے کیونکہ ایکس کی جانب سے ویڈیو فیڈ کا یوزر انٹرفیس ٹک ٹاک جیسا کر دیا گیا ہے جس سے آپ ایکس کا استعمال کافی حد تک ٹک ٹاک جیسا محسوس ہوگا۔

ایکس کی جانب سے صارفین کے لیے ایپ میں ورٹیکل ویڈیو فیڈ ٹیب کو متعارف کرایا گیا ہے۔

رپورٹس کے مطابق مذکورہ فیچر سب سے پہلے امریکا میں متعارف کرایا جا رہا ہے اور اب ایلون مسک کی زیر ملکیت سوشل میڈیا پلیٹ فارم پر ویڈیو دیکھنے کا تجربہ ٹک ٹاک جیسا ہی ہوگا۔

ایکس نے ایپلی کیشن میں یہ تبدیلی اس وقت کی جب جب امریکا میں ٹک ٹاک پر پابندی کا اطلاق ہوتے ہی اسے جزوی طور پر معطل کردیا گیا۔

نو منتخب امریکی صدر ڈونلڈ ٹرمپ نے حلف برداری کے بعد ٹک ٹاک کو عارضی ریلیف دینے کا اعلان کیا جس پر چینی سوشل میڈیا کمپنی نے ٹرمپ کا شکریہ ادا کیا ہے۔

ٹک ٹاک پر امریکا میں پابندی عائد ہوگی یا نہیں اور ایکس کے اس فیچر سے کیا فائدہ ہوگا فی الحال تو یہ واضح نہیں مگر اس سے عندیہ ملتا ہے کہ ٹک ٹاک جیسی ورٹیکل ویڈیو فیڈز سوشل نیٹ ورکس میں عام ہوچکی ہے۔