تربیلا ڈیم میں پانی ڈیڈ لیول پر پہنچ گیا، قابل استعمال ذخیرہ ختم

پاکستان کے سب سے بڑے تربیلا ڈیم میں پانی کا لیول انتہائی کم سطح پر پہنچ گیا۔

واپڈا ذرائع کے مطابق تربیلا ڈیم میں پانی کا قابل استعمال ذخیرہ صفرہوگیا ہے اور ڈیم کا ڈیڈ لیول 1402 فٹ ہے۔

ذرائع کے مطابق منگلا ڈیم بھی پانی کا لیول انتہائی کم سطح تک پہنچ چکا ہے۔ ڈیم میں پانی کی سطح 1054 فٹ تک آگئی ہے جو کہ ڈیڈ لیول سے صرف 4 فٹ کم ہے۔

واپڈا ذرائع کے مطابق منگلا ڈیم کا ڈیڈ لیول 1050 فٹ پر ہے اور اس وقت ڈیم میں قابل استعمال پانی کا ذخیرہ 77 ہزار ایکڑ فٹ ہے۔