اسرائیل کے مفادات کو نیتن یاہو پر قربان نہیں کریں گے، اسرائیلی صدر
WebDesk
03 دسمبر, 2025 11:17
President Isaac Herzog remarks about Netanyahu
اسرائیلی صدر اسحاق ہرتزوگ نے وزیرِ اعظم بنیامین نتن یاہو کی جانب سے دی گئی معافی کی درخواست پر ردعمل دیتے ہوئے کہا ہے کہ وہ اس فیصلے میں صرف ملک اور عوام کے مفادات کو ترجیح دیں گے۔
مہر خبررساں ایجنسی کے مطابق ہرتزوگ نے اپنے دفتر سے جاری بیان میں کہا کہ دھمکی آمیز یا اشتعال انگیز بیانات ان کے فیصلے پر اثرانداز نہیں ہو سکتے۔ انہوں نے واضح کیا کہ نتن یاہو کی درخواست کو قانونی اور اخلاقی پہلوؤں سے انتہائی باریک بینی کے ساتھ پرکھا جائے گا۔
صہیونی میڈیا کے مطابق نتن یاہو بظاہر قومی مفاد کی بنیاد پر معافی چاہ رہے ہیں، لیکن اصل میں وہ صدر سے ایک سیاسی سودا کرنا چاہتے ہیں۔ رپورٹ میں دعویٰ کیا گیا ہے کہ نتن یاہو عفو کے بدلے متنازع عدالتی اصلاحات واپس لینے کی پیشکش کر رہے ہیں۔
نتن یاہو نے اپنی درخواست میں لکھا ہے کہ معافی ملنے کی صورت میں وہ اسرائیلی اتحاد، عدالتی نظام، میڈیا اور دیگر داخلی مسائل پر زیادہ توجہ دے سکیں گے۔
رپورٹ کے مطابق انہوں نے ضمنی نکات پر دوبارہ غور کرنے کی پیشکش کر کے واضح اشارہ دیا ہے کہ وہ عدالتی اصلاحات سے پیچھے ہٹنے کو تیار ہیں۔
Catch all the دنیا News, Breaking News Event and Trending News Updates on GTV News
Join Our Whatsapp Channel GTV Whatsapp Official Channel to get the Daily News Update & Follow us on Google News.
خاص خبریں
