شاپنگ کیلئے مارکیٹ جانے والی خاتون کروڑ پتی بن گئی

ایک خاتون کی قسمت اس وقت چمکی جب وہ لاٹری ٹکٹ کی بدولت کروڑوں روپے انعام جیتنے میں کامیاب ہوئیں جس کے بارے میں وہ بھول چکی تھیں۔

خاتون نے اپنا نام ظاہر نہ کرنے کی شرط پر لکی ڈے لوٹو کے لیے لاٹری ٹکٹ حاصل کرنے کا فیصلہ کیا۔ بعد میں، وہ ٹکٹ کو پرس میں رکھ کر بھول گئی۔

کچھ دنوں بعد جب نتائج کا اعلان ہوا تو انہیں احساس ہوا کہ انہوں نے لاٹری جیت لی ہے۔

خاتون کا کہنا تھا کہ جب میں اپنی خالہ سے ملنے جا رہی تھی تو میں کچھ اشیائے خوردونوش لینے کے لیے اسٹور میں گئی اور وہاں سے باہر آتے ہوئے لکی ڈے لوٹو کا فوری ٹکٹ حاصل کیا۔

انہوں نے کہا کہ میں نے اصل میں ٹکٹ اپنے پرس میں ڈال دیا اور اس کے بارے میں سب کچھ بھول چکی تھی۔

اکتوبر کو نتائج کا اعلان کیا گیا اور اعداد و شمار سامنے آئے لیکن خاتون کو اس کے بارے میں کوئی علم نہیں تھا۔ جب اسے اپنے ٹکٹ کے بارے میں یاد آیا تو اس نے نمبروں کو ڈبل چیک کیا اور پھر جیک پاٹ جیتتے ہی رونے لگی۔

وہ اس سال جیتنے والی نویں خوش قسمت الینوائے لاٹری کھلاڑی ہیں۔ لاٹری یو ایس اے کے مطابق جیک پاٹ جیتنے کے امکانات بہت کم ہوتے ہیں یعنی 10 لاکھ سے زائد ٹکٹ میں سے صرف ایک ٹکٹ ہی جیک پاٹ جتوا سکتا ہے۔