ای میل سے متعلق نئے فیچر کا اضافہ

جی میل میں ای میل سے متعلق نئے فیچر کا اضافہ کیا گیا ہے جس سے صارفین کیلئے مطلوبہ مواد یا ای میلز ڈھونڈنا آسان ہو جائے گا۔

تفصیلات کے مطابق سرچ فلٹرز کے ذریعے صارفین کے لیے ای میلز کو ڈھونڈنا آسان ہو جائے گا کیونکہ انہیں Most recent اور Most relevant آپشنز دستیاب ہوں گے۔

گوگل کی ای میل سروس کی اینڈرائیڈ ایپ میں نئے سرچ فلٹرز کا اضافہ کیا جارہا ہے۔ یہ فیچر ابھی جی میل ایپ کے محدود صارفین کو دستیاب ہے او ر اس کی آزمائش کچھ عرصے سے کی جا رہی تھی۔

مزید پڑھیں:جی میل میں زبردست اے آئی فیچر کا اضافہ

اینڈرائیڈ اتھارٹی کے مطابق جب یہ فیچر تمام صارفین کو دستیاب ہوگا تو انہیں کسی چیز کو سرچ کرنے پر کمپنی کی جانب سے ایک پوپ اپ وضاحت کے ذریعے بتایا جائے گا کہ یہ فیچر کس طرح ان کے لیے مددگار ثابت ہوگا۔