فہد مصطفیٰ نے ڈرامہ ’کبھی میں کبھی تم‘ کرنے کی وجہ بتا دی

کراچی: اداکار فہد مصطفیٰ نے حال ہی میں سمتھنگ ہاؤٹے کے شو ہوٹے ٹاک میں شرکت کرتے ہوئے ’کبھی میں کبھی تم‘ کرنے کی وجہ بتا دی۔

تفصیلات کے مطابق فہد مصطفیٰ نے کہا کہ ‘کبھی میں کبھی تم’ کی کاسٹنگ کے عمل کے دوران میں اداکاروں کی وجہ سے کافی غصے میں تھا۔ ہر اداکار صرف پیسے کے بارے میں بات کر رہا تھا۔

انکا مزید کہنا تھا کہ سیٹ پر اداکار کی موجودگی اہمیت رکھتی ہے اور پروجیکٹوں کو یادگار بناتی ہے کیونکہ اسے پرفارم کرنے کے زیادہ مواقع ملتے ہیں۔ میں نے اپنے ہدایت کار کو 9 مہینے کا وقت دیا جو اس سے پہلے ہٹ فلمیں دے چکے ہیں۔

اداکار نے کہا کہ ایک اداکار ہوں اور میں جانتا ہوں کہ ایک بار جب کوئی پروجیکٹ کا میاب ہوجاتا ہے تو آپ کو پیسے ملتے ہیں۔ یہ پیسے کے بارے میں نہیں ہے۔

مزید پڑھیں:فہد مصطفیٰ کا ’اللہ‘ کے پسندیدہ لوگوں میں ہونے کا دعویٰ

فہد مصطفیٰ نے ’کبھی میں کبھی تم‘ کرنے کے اپنے فیصلے کے بارے میں بات کی۔ انہوں نے انکشاف کیا کہ وہ اس دوران ایک اور ڈرامہ کرنے والے تھے۔

مزید پڑھیں:لڑکیوں، شادی شدہ خواتین کو فہد مصطفیٰ سے محبت ہوگئی، عتیقہ اوڈھو

ادکار نے مزید کہا کہ میں نے اسے اعتماد اور اپنا وقت دیا، ایک اچھا ڈرامہ بنانے کیلئے آپ کو 24/7 سیٹ پر رہنا پڑتا ہے، میں وہاں سیٹ پر تھا، ‘کبھی میں کبھی تم’ کی کامیابی کی یہی وجہ ہے کیونکہ میں ابھی وہاں تھا اور اداکاری کرنے کیلئے اس کردار کو جینا پڑتا ہے۔

کے ایم کے ٹی اداکار نے یہ بھی کہا کہ "کسی کو توقع نہیں تھی کہ میں سیٹ پر پہنچنے تک ڈرامہ کروں گا اور اس دوران ہم اس کردار کیلئے بہت سے اے لسٹرز سے بھی بات کر رہے تھے جنہوں نے ڈرامے سے انکار کردیا۔

ہانیہ عامر ہمیشہ وہاں موجود تھیں اور انہوں نے ہی مجھے ڈرامہ کرنے کیلئے کہا تھا۔ ہمارے ساتھ جاوید شیخ بھی تھے اور عماد ہمیشہ وہاں موجود رہتے تھے۔ بشریٰ انصاری بھی میرے ذہن میں تھیں۔