احسن خان نے حکومت کو اسموگ روکنے کیلئے اہم مشورہ دیدیا

اداکار احسن خان نے اپنے آفیشل انسٹاگرام اکاؤنٹ پر پوسٹ کردہ ویڈیو میں اسموگ کی روک تھام کیلئے حکومت کو مختلف تجاویز دے دیں۔

تفصیلات کے مطابق ویڈیو کے کیپشن میں احسن خان نے لکھا کہ قومیں اپنے مسائل مل جل کر حل کرتی ہیں، ہمیں تعاون اور افہام و تفہیم کے ساتھ مسائل کے حل پر توجہ دینی چاہیے۔

مزید پڑھیں:اداکار احسن خان نے اپنے کرش سے متعلق کیا کہا؟

انہوں نے مزید لکھا کہ مختلف شہروں اور اُن کے کلچرز کے بارے میں مثبت مکالمے کی حوصلہ افزائی کرنا لوگوں کے درمیان اتحاد اور احترام کو فروغ دے سکتا ہے، اپنے درمیان اختلافات کا اعتراف کرتے ہوئے ہم اپنے مشترکہ چیلنجز سے نمٹنے کیلئے مل کر کام کر سکتے ہیں۔

 

View this post on Instagram

 

A post shared by Ahsan Khan (@khanahsanofficial)

ویڈیو میں احسن خان کا کہنا تھا کہ ‘اسموگ کے مسئلے پر بات کرنے سے زیادہ اس چیز کی نشاندہی ضروری ہے کہ اسے ختم کیسے کیا جائے، مہذب اقوام کا یہی وطیرہ ہے کہ وہ اتحاد و اتفاق سے مشترکہ مسائل کا حل نکالتی ہیں’۔