صہیونی فضائیہ کے غزہ پر حملے، مزید 50 فلسطینی شہید

اسرائیل اپنے مذموم مقاصد سے باز نہیں آیا، صہیونی فضائیہ کے غزہ پر حالیہ حملے میں مزید 50 فلسطینی شہید جبکہ در جنوں زخمی ہوگئے۔

میڈیا رپورٹس کے مطابق اسرائیلی جنگی ہیلی کاپٹر زاور ڈرونز نے البریج اور نصیرات کیمپوں کو نشانہ بنایا، شمالی غزہ میں بیت لاہیا کیمپ پر بھی بمباری سے 8 فلسطینی جان سے گئے۔

مغربی کنارے میں اسرائیلی فوج کی فائرنگ سے 2 فلسطینی شہید ہو گئے، اسرائیلی فوج نے کمال عدوان اسپتال پر مسلسل 3 گھنٹے تک شیلنگ کی جس کے باعث متعدد افراد زخمی ہوگئے۔

رپورٹس میں بتایا گیا کہ غزہ میں شہدا کی مجموعی تعداد 43 ہزار 972 ہو گئی جب کہ ایک لاکھ سے زائد زخمی ہیں۔