محکمہ موسمیات نے مسلسل تین دن بارشوں کی پیشگوئی کردی

محکمہ موسمیات نے ملک کے مختلف علاقوں میں آئندہ چند روز کے دوران بارش اور برفباری کی پیشگوئی کر دی ہے۔

محکمہ موسمیات کے مطابق 31 جنوری سے 3 فروری تک شمالی بلوچستان اور شمالی علاقوں میں بارش اور برفباری متوقع ہے۔ گلگت بلتستان، کشمیر اور خیبرپختونخوا کے کئی علاقوں میں بھی بارش اور برفباری کی امید ظاہر کی گئی ہے۔

 اسلام آباد اور پوٹھوہار میں یکم سے 3 فروری کے دوران بارش ہو سکتی ہے۔ پنجاب کے کچھ علاقوں کے ساتھ ساتھ مری اور گلیات میں بھی بارش کی توقع ہے۔

محکمہ موسمیات نے شہریوں کو خبردار کیا ہے کہ اس دوران بالائی خیبرپختونخوا، گلگت بلتستان اور کشمیر کے پہاڑی علاقوں میں لینڈ سلائیڈنگ کا خطرہ بڑھ سکتا ہے۔ شہریوں کو محتاط رہنے اور حفاظتی اقدامات اختیار کرنے کی ہدایت کی گئی ہے۔