شب برأت پر چھٹی ہو گی یا نہیں؟ اہم اعلان ہو گیا

محکمہ اسکول ایجوکیشن سندھ نے شبِ برأت کے موقع پر تعلیمی اداروں میں تعطیل کا اعلان کر دیا ہے۔

نوٹیفکیشن کے مطابق 15 شعبان 1447 ہجری، بمطابق 4 فروری 2026 بروز بدھ کو سندھ بھر کے اسکول بند رہیں گے۔ یہ فیصلہ مذہبی اہمیت کے پیشِ نظر کیا گیا ہے۔

محکمہ تعلیم کا کہنا ہے کہ تعطیل کا اطلاق سرکاری اور نجی دونوں تعلیمی اداروں پر ہوگا۔

یاد رہے کہ شبِ برأت کی رات یعنی 14 شعبان کو پاکستان سمیت دنیا بھر میں مسلمان عبادات میں مصروف ہوں گے۔ اس موقع پر مساجد میں نوافل اور صلوٰۃ التسبیح ادا کی جائے گی۔ لوگ پوری رات عبادت، دعا اور استغفار میں گزاریں گے۔