مولانا فضل الرحمان کے انتہائی قریبی ساتھی معروف پاکستانی سیاستدان انتقال کر گئے

جماعت اسلامی (ف) کے سینئر رہنما اور امیر مولانا فضل الرحمان کے قریبی ساتھی جلال الدین ایڈووکیٹ انتقال کر گئے۔

جلال الدین ایڈووکیٹ کی نماز جنازہ مفتی محمود مرکز پشاور میں ادا کی گئی۔ ان کی وفات نے جماعتی حلقوں میں گہرے رنج و غم کی لہر پیدا کر دی ہے۔ مولانا فضل الرحمٰن نے مرحوم کی وفات پر جنوبی افریقہ سے ایک تعزیتی پیغام جاری کیا اور دلی افسوس کا اظہار کیا۔

 انہوں نے کہا کہ جلال الدین ایڈووکیٹ میرے دیرینہ ساتھی اور نہایت بااعتماد رفیق تھے۔ انہوں نے جماعت کی ہر ذمہ داری کو دیانت، حکمت اور اخلاص کے ساتھ نبھایا۔ ان کی جدائی میرے لیے ذاتی طور پر بھی صدمے کا باعث ہے۔

مولانا فضل الرحمان نے کہا کہ جماعت اسلامی ایک مخلص اور قابل رہنما سے محروم ہو گئی ہے۔ اللہ تعالیٰ مرحوم کی مغفرت فرمائے، انہیں جنت الفردوس میں اعلیٰ مقام عطا فرمائے اور اہل خانہ کو صبر جمیل عطا کرے۔

جلال الدین ایڈووکیٹ اپنی سیاسی بصیرت، ایمانداری اور جماعتی خدمات کی وجہ سے جماعتی حلقوں میں بے حد احترام کی نگاہ سے دیکھے جاتے تھے۔ ان کی وفات نے نہ صرف سیاسی بلکہ ذاتی تعلقات میں بھی خالی جگہ چھوڑ دی ہے۔