گاڑی مالکان خبردار!!! بڑی پابندی عائد

پشاور میں گاڑیوں میں ہر قسم کی تیز روشنیوں کے استعمال پر پابندی عائد کر دی گئی ہے۔

 شہر کی انتظامیہ نے عوام کو خبردار کرتے ہوئے کہا ہے کہ ہائی بیم لائٹس، لیزر لائٹس اور موڈیفائیڈ ہیڈلائٹس کا استعمال اب ممنوع ہے۔ اعلامیے میں بتایا گیا ہے کہ رات کے وقت ہائی بیم لائٹس انسانی جانوں کے لیے خطرہ بن رہی ہیں اور یہ ٹریفک حادثات کا باعث بھی بنتی ہیں۔ اسی وجہ سے انتظامیہ نے ان روشنیوں کی خرید و فروخت پر بھی پابندی لگا دی ہے۔

اعلامیے کے مطابق پابندی کی خلاف ورزی کرنے والے افراد کے خلاف دفعہ 188 کے تحت قانونی کارروائی کی جائے گی۔ شہریوں سے اپیل کی گئی ہے کہ وہ حفاظتی اصولوں پر عمل کریں اور اپنی گاڑیوں میں ہائی بیم یا دیگر ممنوعہ لائٹس نصب نہ کریں۔