استعمال شدہ گاڑی خریدنے کے خواہشمند افراد کیلئے بُری خبر آگئی

وفاقی حکومت نے گاڑیوں کی درآمد پر اضافی ڈیوٹی عائد کردی ہے۔  

وفاقی حکومت نے استعمال شدہ گاڑیوں کی درآمد پر 40 فیصد اضافی ریگولیٹری ڈیوٹی عائد کردی، وفاقی کابینہ کی منظوری کے بعد ایف بی آر نے نوٹیفکیشن بھی جاری کردیا۔

نوٹیفکیشن کے مطابق استعمال شدہ گاڑیوں کی کمرشل درآمد پر 40 فیصد اضافی ڈیوٹی لگے گی، یہ ریگولیٹری ڈیوٹی پہلے سے عائد ڈیوٹی کے علاوہ ہوگی اور30 جون 2026 تک نافذ العمل رہے گی۔

آئندہ سال 30 جون کے بعد یہ ڈیوٹی ہر سال 10 فیصد کم کی جائے گی، ریگولیٹری ڈیوٹی مالی سال 2029-30 تک مکمل طور پر ختم کر دی جائے گی۔