حکومت کا سینئر سفارتکار طاہر حسین اندرابی کو نیا ترجمان دفتر خارجہ مقرر کرنے کا فیصلہ

وفاقی حکومت نے سینئر سفارتکار طاہر حسین اندرابی کو ترجمان دفتر خارجہ مقرر کرنے کا فیصلہ کر لیا

ذرائع کے مطابق اس سلسلے میں باضابطہ اعلان جلد متوقع ہے۔ طاہر حسین اندرابی اس وقت ایڈیشنل سیکرٹری خارجہ کے طور پر خدمات انجام دے رہے ہیں۔ ان کی تقرری کا فیصلہ شفقت علی خان کی بطور پاکستانی سفیر برائے متحدہ عرب امارات (یو اے ای) تعیناتی کے بعد کیا گیا۔

طاہر حسین اندرابی ایک تجربہ کار اور سینئر سفارتکار ہیں جو اس سے قبل تیونس میں پاکستان کے سفیر کی حیثیت سے خدمات انجام دے چکے ہیں۔ اس کے علاوہ وہ جنیوا میں بھی مختلف سفارتی ذمے داریاں نبھا چکے ہیں۔

ذرائع کا کہنا ہے کہ طاہر حسین اندرابی کی بطور ترجمان تعیناتی سے دفتر خارجہ کی میڈیا حکمتِ عملی اور بین الاقوامی روابط مزید موثر ہونے کی توقع ہے۔