سونے کی قیمت میں اچانک بڑی کمی ہوگئی؛ فی تولہ کتنے کا ہوگیا؟

ملک میں آج سونے کی فی تولہ قیمت میں 2500 روپے کمی ریکارڈ کی گئی ہے۔

ملک بھر میں سونے کی قیمت میں اتار چڑھاؤ کا سلسلہ جاری ہے، کاروباری ہفتے کے چوتھے روز سونے کی قیمت میں زبردست کمی ریکارڈ کی گئی ہے۔

آل پاکستان جیولرز مینوفیکچررز ایسوسی ایشن کی جانب سے جاری کردہ اعداد و شمار کے مطابق ملک بھر میں سونے کی فی تولہ قیمت 2500 روپے کمی کے بعد 4 لاکھ 7 ہزار 778 روپے ہوگئی ہے جبکہ 10 گرام سونے کی قیمت 2144 روپے کمی کے بعد 3 لاکھ 49 ہزار 603 روپے ہوگئی ہے۔