پاکستان میں سونے کی نئی قیمت سامنے آگئی؛ فی تولہ کتنے کا ہوگیا

پاکستان بھر میں کاروباری ہفتے کے پانچویں روز سونے کی قیمت مستحکم رہی۔

آل پاکستان جیولرز مینوفیکچررز ایسوسی ایشن کی جانب سے جاری کردہ اعداد و شمار کے مطابق ملک میں آج سونے کی فی تولہ قیمت میں کوئی تبدیلی دیکھنے میں نہیں آئی اور ایک تولہ سونے کی قیمت 4 لاکھ 7 ہزار 778 روپے برقرار ہے جبکہ 10 گرام سونے کی قیمت بھی 3 لاکھ 49 ہزار 603 روپے پر مستحکم رہی۔

دوسری جانب عالمی مارکیٹ میں بھی سونا فی اونس 3865 ڈالر پر مستحکم رہا۔