رجب بٹ نے ویلاگنگ کو خیرباد کہہ دیا

پاکستان کے معروف یوٹیوبر رجب بٹ نے عارضی طور پر ویلاگنگ کو خیرباد کہہ دیا ہے۔

رجب بٹ نے حالیہ تنازع اور ان کے خلاف قانونی کارروائی کے بعد پاکستان چھوڑ دیا ہے، اُن پر مبینہ طور پر اسلامی شخصیات کی توہین کا الزام ہے جس پر لاہور ہائی کورٹ میں درخواست بھی دائر کی گئی ہے۔

انہوں نے اپنی موجودہ لوکیشن ظاہر نہیں کی، تاہم حالیہ ٹک ٹاک لائیو سیشن میں انہوں نے دبئی اور پاکستان کے وقت کا ذکر کرکے بیرون ملک موجودگی کا اشارہ دیا۔

ان کا کہنا تھا کہ میں نے ویلاگنگ چھوڑ دی ہے لیکن ٹک ٹاک پر لائیو آتا رہوں گا۔

انہوں نے کہا کہ وہ اپنی والدہ کی اجازت کے بغیر کوئی نیا وی لاگ اپ لوڈ نہیں کریں گے۔

رجب بٹ نے بتایا کہ میری والدہ موجودہ صورتحال سے پریشان ہیں اور وہ میری سلامتی کو اولین ترجیح دیتے ہوئے خود ایئرپورٹ چھوڑنے آئیں۔

معروف یوٹیوبر کا مزید کہنا تھا کہ وہ وی لاگنگ کو خیرباد نہیں کہہ رہے، لیکن فی الحال حالات بہتر ہونے کا انتظار کریں گے۔