خاتون ایچ آر منیجر کیساتھ معاشقہ؛ امریکی کمپنی کے سی ای او نے استعفیٰ دیدیا

چند روز قبل معروف ٹیکنالوجی کمپنی "ایسٹرونومر” کے چیف ایگزیکٹو آفیسر( سی ای او) اینڈی بائرن ایک میوزک کنسرٹ میں اپنی  کمپنی کی ایچ آر منیجر کے ساتھ قابلِ اعتراض حالت میں رنگے ہاتھوں پکڑے گئے تھے جس کے بعد اب انہوں نے سی ای او کے عہدے سے استعفیٰ دیدیا ہے۔

کمپنی کی جانب سے جاری بیان میں کہا گیا ہے کہ اینڈی بائرن نے اپنا استعفیٰ پیش کیا جسے بورڈ نے منظور کرلیا ہے۔

کنسرٹ میں ناجائز تعلقات کی ویڈیو وائرل ہونے کے بعد اینڈی بائرن کو چھٹیوں پر بھیج دیا گیا تھا جبکہ کیس کی اندرونی تحقیقات بھی شروع کردی گئی تھیں۔

Coldplay accidentally exposed an alleged affair between Astronomer CEO Andy Byron and his colleague Kristin Cabot at one of their recent concerts. pic.twitter.com/hsJHV2u5UM

— Pop Base (@PopBase) July 17, 2025

کنسرٹ کے دوران جب ایک کیمرے نے فینز کو دکھایا تو سی ای او اینڈی بائرن اور کمپنی کی ایچ آر ہیڈ کرسٹین کیبوٹ ایک دوسرے سے لپٹے ہوئے پائے گئے تھے۔

کیمرہ دیکھتے ہی یہ جوڑا بوکھلا کر نظریں چرانے لگا، اینڈی بائرن نیچے بیٹھ گئے اور کرسٹین کیبوٹ نے منہ دوسری جانب موڑ لیا لیکن دونوں کی چھپنے کی کوشش ناکام رہی، یہ دونوں الگ الگ شادی شدہ ہیں۔