علیزے شاہ اور منسا ملک کے درمیان جھگڑا، عینی شاہد بول پڑے

ایک پروگرام میں سمیع خان نے اداکاراؤں کے نام لیے بغیر ان کے درمیان ہونے والی لڑائی کی حقیقت بتاتے ہوئے کہا کہ وہ میک روم میں بیٹھے فون کال پر اپنا ضروری کام کررہے تھے کہ ایک اداکارہ آئی اور مجھے کہنے لگی کہ میں نے کردیا، جو مجھے سمجھ نہیں آیا لیکن اتنی ہی دیر میں دوسری اداکارہ اندر داخل ہوئی، دونوں کے درمیان لفظی تکرار ہوئی اورپھر چپل اٹھا کر پھینکی گئی جو دیوار پر جا لگی۔

انہوں نے کہا کہ میں ضروری کال پر تھا تو اٹھ کر باہر چلا گیا اور پھر فری ہونے کے بعد پورا ماجرا پوچھا۔ اداکار نے مزید کہا کہ سیٹ پر کسی کو بھی ہاتھ اٹھانے کی اجازت نہیں ہے۔

اداکار نے مزید کہا کہ اگر کوئی مسئلہ تھا تو ڈائریکٹر سے بات کرنی چاہیے تھی لیکن اچھی بات یہ ہے کہ جس اداکار کے ساتھ زیادتی ہوئی تھی اس نے اپنے ڈرامے کی شوٹنگ کا کام مکمل کیا۔