جوڈیشل کمپلیکس حملہ کیس، عدالت کا بانی پی ٹی آئی کو پیش کرنے کا حکم

انسداد دہشت گردی عدالت اسلام آباد نے جوڈیشل کمپلیکس حملہ کیس میں بانی پی ٹی آئی کو آئندہ سماعت پر پیش کرنے کا حکم دے دیا ہے۔

انسداد دہشت گردی عدالت اسلام آباد میں بانی پی ٹی آئی اور دیگر کے خلاف جوڈیشل کمپلیکس حملہ کیس کی سماعت ہوئی۔ عدالت کے جج طاہر عباس سپرا نے حکم دیا کہ بانی پی ٹی آئی کو فزیکلی یا بذریعہ ویڈیو لنک عدالت میں پیش کیا جائے۔

سماعت کے دوران عدالت نے سابق وزرا فرح حبیب، حماد اظہر، مراد سعید اور شبلی فراز کو اشتہاری قرار دیتے ہوئے ان کی جائیدادوں کی تفصیلی رپورٹس بھی طلب کر لیں۔

یہ بھی پڑھیں : خیبر پختونخوا میں بدامنی اور دہشت گردی کا عروج، عوام کا صوبائی حکومت کے خلاف شدید احتجاج

اس کے علاوہ عدالت نے سابق ڈپٹی اسپیکر پنجاب اسمبلی واثق قیوم اور پی ٹی آئی کے رکن صوبائی اسمبلی حسن خان نیازی کے ناقابل ضمانت وارنٹ گرفتاری جاری کر دیئے۔ عدالت نے اس کیس کی مزید کارروائی 5 نومبر تک کے لیے ملتوی کر دی ہے۔