واٹس ایپ صارفین کیلئے خطرے کی گھنٹی بج گئی

میٹا کی مشہور میسجنگ ایپ واٹس ایپ نے صارفین کے پیغامات پر نئی پابندیاں عائد کرنے کا فیصلہ کیا ہے۔ کمپنی کا مقصد اسپام یعنی غیر ضروری اور بار بار بھیجے جانے والے پیغامات کو کم کرنا ہے۔

رپورٹ کے مطابق واٹس ایپ ایک ایسا نیا فیچر متعارف کروانے جا رہا ہے جس کے ذریعے صارفین اور کاروباری ادارے نامعلوم نمبروں کو بھیجے جانے والے پیغامات کی تعداد محدود ہو جائے گی۔

یہ نئی پابندی خاص طور پر واٹس ایپ بزنس اکاؤنٹس کے لیے فائدہ مند ہوگی، تاکہ کاروباری ادارے اپنے صارفین کو زیادہ معیاری اور محفوظ رابطہ فراہم کر سکیں۔

رپورٹ میں بتایا گیا ہے کہ یہ فیچر مختلف ممالک میں آزمائشی مرحلے میں ہے۔ اس کے تحت ہر ماہ ایک حد مقرر کی جائے گی، جس سے زیادہ پیغامات کسی نامعلوم نمبر پر نہیں بھیجے جا سکیں گے۔

اگر کوئی صارف یا کاروباری ادارہ اس مقررہ حد کے قریب پہنچ جائے گا، تو واٹس ایپ کی جانب سے ایک وارننگ پیغام دکھایا جائے گا۔ اس میں بتایا جائے گا کہ مزید کتنے پیغامات بھیجے جا سکتے ہیں۔ اس سے صارفین کو بلاک ہونے سے بچانے میں مدد ملے گی۔

واٹس ایپ کا کہنا ہے کہ عام صارفین پر اس پابندی کا زیادہ اثر نہیں پڑے گا۔ یہ حد خاص طور پر اسپام پیغامات کو روکنے کے لیے رکھی جا رہی ہے۔

دلچسپ بات یہ ہے کہ اگر بھیجا گیا پیغام جواب میں موصول ہو جاتا ہے، تو اس پیغام کو اس حد میں شمار نہیں کیا جائے گا۔