وزیر اعلیٰ سندھ کو پی ایس ایل کی منتقلی اور اسکولوں کی چھٹیاں بڑھانے کی تجویز

کراچی : محکمہ صحت سندھ نے وزیراعلیٰ سندھ مراد علی شاہ کو سندھ میں اسکولوں کی چھٹیاں بڑھانے اور پی ایس ایل میچوں کی منتقلی کیلئے سفارشات کردیں ہیں۔

محکمہ صحت سندھ کے اجلاس میں فیصلہ کیا گیا کہ کراچی آنے والے تمام مریضوں کی اسکریننگ کے لئے کراچی ائیرپورٹ پر اپنا ہیلتھ ڈیسک قائم کرے گا اور اسکریننگ کرے گا۔ پی ایس ایل میچز کی منتقلی اور اسکولوں کی چھٹیاں بڑھانے کے لئے بھی تجویز دی گئیں۔

یہ بھی پڑھیں : کراچی میں کورونا وائرس 9 مزید کیس، کراچی میں مجموعی تعداد 13 ہوگئی

وزیرصحت سندھ ڈاکٹر عذرا پیچوہو کا کہنا ہے کہ متاثرہ کورونا کیسز کو قرنطین کیا گیا ہے۔ اسکول کی تعطیلات اور میچز کی منتقلی کا فیصلہ آج شام کو وزیراعلیٰ کریں گے۔

ملک بھر میں اب تک سولہ افراد میں کورونا وائرس کی تصدیق ہوچکی ہے۔