مداح ‘کبھی میں کبھی تم’ ڈرامے سے متعلق مایوس ہو گئے

معروف اداکارہ ہانیہ عامر نے اپنے بلاک بسٹر ڈرامے ‘کبھی میں کبھی تم’ کے سیزن 2 کے مطالبے پر واضح موقف جاری کر دیا۔

تفصیلات کے مطابق ڈرامے میں مرکزی کردار نبھانے والے فہد مصطفیٰ اور ہانیہ عامر نے بھی سوشل میڈیا پر ایسے کمنٹس کیے جو ڈرامے کے سیزن 2 کی طرف اشارہ معلوم ہوئے لیکن ہانیہ عامر کے نئے بیان نے مداحوں کو اداس کر دیا۔

ہانیہ عامر سے دورانِ انٹرویو سوال کیا گیا کہ ’ڈرامے کا سیزن 2 کب دیکھنے کو ملے گا؟‘ جس پر ہانیہ عامر نے کہا کہ ’مجھے نہیں لگتا کبھی میں کبھی تم کا دوسرا سیزن بننا چاہئے‘۔

مزید پڑھیں:بھارتی ہوسٹ بھی ہانیہ عامر کی محبت میں گرفتار

مزید پڑھیں:ہانیہ پر ماہرہ کو کاپی کرنے کا الزام لگنے لگا، مگر کیوں؟

خیال رہے کہ ‘کبھی میں کبھی تم’ 4 مہینے ٹی وی اسکرینز پر پیر اور منگل کی رات نشر ہوا اور اپنی منفرد کہانی اور تمام اداکاروں کی حقیقت پسند اداکاری کے سبب سپر ہٹ بن گیا۔

ڈراما کی مقبولیت کو مدِ نظر رکھتے ہوئے 5 نومبر کی رات ٹی وی اسکرینز کے علاوہ یوٹیوب پر پاکستان کے ٹھیک 8 بجے اپ لوڈ کردیا گیا جبکہ پاکستان کے تمام سنیما گھروں میں میگا ایپیسوڈ لگائی گئی جس کو دیکھنے بڑی تعداد میں فینز پہنچے۔

اس ڈرامے سے دل کا رشتہ جوڑ بیٹھنے والے ناظرین اب مایوس ہیں اور شرجینا اور مصطفیٰ کی کہانی میں صلح کے بعد کی زندگی بھی دیکھنا چاہتے ہیں۔ اسی خواہش کے ساتھ فینز سوشل میڈیا پر ’کبھی میں کبھی تم‘ کے میکرز سے سیزن 2 کا مطالبہ کرتے نطر آرہے ہیں۔