ناردا سے 27 لاکھ پاکستانی شہریوں کا ڈیٹا لیک! کئی اہلکار برطرف

نیشنل ڈیٹا بیس اینڈ رجسٹریشن اتھارٹی (نادرا) کے چیئرمین نے 27 لاکھ سے زائد پاکستانی شہریوں کا ڈیٹا لیک کرنے کے الزام میں متعدد اہلکاروں کو برطرف کردیا۔

اطلاعات کے مطابق نادرا سے لیک ہونے والا پاکستانیوں کا ڈیٹا ڈارک ویب پر دستیاب ہے جسے فروخت کیلئے پیش کیا گیا تھا، اس ڈیٹا میں 27 لاکھ سے زائد افراد کے نام، پتے اور شناخت کے علاوہ دیگر اہم تفصیلات بھی شامل ہیں۔

چیئرمین نادرا نے قومی اسمبلی کی قائمہ کمیٹی برائے داخلہ کو معاملے سے آگاہ کردیا گیا ہے۔

چیئرمین نادرا نے کمیٹی کو بتایا کہ بڑے پیمانے پر خلاف ورزی پر ایک گریڈ 19 اور دیگر پانچ افسران کو برطرف کیا گیا ہے جبکہ کمیٹی کے ایک رکن نے انکشاف کیا تھا کہ ڈیٹا لیک ہونے کے ذمہ داروں کے خلاف کوئی کارروائی نہیں کی گئی۔

کمیٹی کو بتایا گیا کہ نادرا کی کل افرادی قوت 20,577 ہے جس میں 202 افسران کو بھرتی کیا گیا اور 60 افسران کو گزشتہ 5 سالوں کے دوران ملازمت سے برطرف یا برطرف کیا گیا۔