پاکستان اور بنگلادیش کے تجارتی تعلقات 20 سال بعد بحال

پاکستان سے براہ راست بنگلہ دیش جانے والے دہائیوں میں پہلے مال بردار بحری جہاز نے کامیابی کے ساتھ اپنے کنٹینر اتار ے ہیں۔

182 میٹر (597 فٹ) لمبا کنٹینر جہاز پاناما کے جھنڈے والا یوآن ژیانگ فا ژان – کراچی سے بنگلہ دیش کے چٹاگانگ کے لئے روانہ ہوا تھا۔

چٹاگانگ بندرگاہ کے اعلیٰ عہدیدار عمر فاروق نے اے ایف پی کو تصدیق کی کہ جہاز نے روانگی سے قبل 11 نومبر کو اپنا سامان اتارا تھا۔

ڈھاکہ میں پاکستان کے سفیر سید احمد معروف نے سوشل میڈیا پوسٹ میں لکھا کہ براہ راست جہاز رانی کا راستہ خطے میں تجارت کو فروغ دینے میں ایک بڑا قدم ہے۔

انہوں نے نے فیس بک پر لکھا کہ یہ روٹ "دونوں اطراف کے کاروباروں کے لئے نئے مواقع کو فروغ دے گا”۔

چٹاگانگ بندرگاہ کے حکام نے بتایا کہ جہاز پاکستان اور متحدہ عرب امارات سے سامان لے کر آیا تھا، جس میں بنگلہ دیش کی اہم گارمنٹس انڈسٹری اور بنیادی کھانے پینے کی اشیاء کے لیے خام مال بھی شامل تھا۔

ستمبر میں بنگلہ دیش نے پاکستانی مصنوعات پر درآمدی پابندیوں میں نرمی کی تھی جس کے لیے پہلے آمد پر لازمی جسمانی معائنے کی ضرورت ہوتی تھی جس کے نتیجے میں طویل تاخیر ہوتی تھی۔

اس سے قبل بنگلہ دیش جانے سے قبل پاکستانی سامان کو عام طور پر سری لنکا، ملائیشیا یا سنگاپور میں فیڈر جہازوں پر اتارنا پڑتا تھا۔