واٹس ایپ چیٹ لسٹ کو نئی شکل دینے کیلئے تیار

واٹس ایپ اپنے صارفین کیلئے ایپ کے اندر چیٹ فہرستوں کو زیادہ منظم طریقے سے بنانے کی تیاری کر رہا ہے۔

ڈبلیو اے بیٹا انفو کے مطابق واٹس ایپ کمپنی کی جانب سے نیا انٹرفیس مستقبل کی اپ ڈیٹ میں پیش کیا جائے گا لیکن فی الحال یہ کچھ بیٹا ٹیسٹرز کیلئے دستیاب ہے جو اسے اینڈروئیڈ 2.24.25.8 اپ ڈیٹ کے تازہ ترین واٹس ایپ بیٹا میں تلاش کرسکتے ہیں۔

کمپنی کے مطابق دوبارہ ڈیزائن کردہ انٹرفیس جو صارفین کو ایپ کے اندر اپنی چیٹ فہرستوں کو زیادہ بہتر طریقے سے منظم کرنے کے قابل بنائے گا۔ صارفین کی چیٹ فہرستوں کو منظم کرنے کیلئے ٹوئیک انٹرفیس پچھلے ڈیزائن کے مقابلے میں زیادہ منظم ہے۔

مزید پڑھیں:واٹس ایپ میں چینل شیئرنگ سے متعلق اہم فیچر کا اضافہ

کمپنی کے مطابق اسکرین کے اوپری حصے میں دکھائی جانے والی تصویر میں اب نمایاں طور پر مرکزی فلٹرز شامل ہیں، جیسے ’پسندیدہ‘، ’مختلف گفتگو‘ اور نیا فلٹر بنانے کا شارٹ کٹ شامل ہونگے۔

مرکزی تصویر کے نیچے ایک دوبارہ ڈیزائن کردہ بٹن ہے جو صارفین کو آسانی سے ایک نئی اپنی مرضی کے مطابق فہرست بنانے کی اجازت دیتا ہے۔ اس کا ڈیزائن ایپ میں پائے جانے والے دیگر ایکشن بٹنوں کے ساتھ مطابقت رکھتا ہے۔

چیٹ فہرستیں بنانے، منظم کرنے اور حذف کرنے کیلئے پورے انٹرفیس کو ایپ کے دوسرے حصوں، جیسے ’سیکیورٹی‘ اور ’میل‘ کی ترتیبات کے انداز سے مطابقت رکھنے کے لئے دوبارہ ڈیزائن کیا گیا ہے۔