کھجور سے تیار کردہ دنیا کی پہلی ’سافٹ ڈرنک‘ متعارف

ریاض ڈیٹ فیسٹیول میں کھجوروں سے تیار کردہ دنیا کی پہلی سافٹ ڈرنکس ’میلاف کولا‘ کو باضابطہ طور پر متعارف کرادی گئی۔

تفصیلات کے مطابق سعودیہ عرب مشروبات کی صنعت میں ایک سنگ میل کی حیثیت رکھتا ہے۔ سعودی عرب کے پبلک انویسٹمنٹ فنڈ کے ماتحت ادارے تھرتھ المدینہ کی جانب سے تیار کردہ یہ مشروب صحت کے فوائد کو تازگی بخش ذائقے کے ساتھ یکجا کرنے کا وعدہ کرتا ہے۔

اس مشروب کو پہلے ہی ریاض ڈیٹ فیسٹیول میں شرکاء کی طرف سے مثبت رد عمل مل رہا ہے، بہت سے لوگوں نے اس کی قدرتی مٹھاس اور تازگی کے ذائقے کی تعریف کی ہے۔

مزید پڑھیں:علماء نے اسرائیلی ’کھجوریں’ حرام قرار دے دیں

اعلیٰ معیار کی کھجوریں ’میلاف کولا‘ کی اہم جزو ہیں جو قدرتی شکر، فائبر اور ضروری معدنیات سے بھرپور ہیں۔ یہ غذائی خصوصیات میلاف کولا کو روایتی سوڈا کا ایک صحت مند متبادل بناتی ہیں، جو اکثر ریفائنڈ شکر سے بھری ہوتی ہیں اور بہت کم غذائی تغذیہ پیش کرتی ہیں۔

خیال رہے کہ تھرتھ المدینہ مستقبل میں کھجور پر مبنی مشروبات کی اپنی رینج کو وسعت دینے کا ارادہ رکھتا ہے، جس میں انرجی ڈرنکس اور انفیوزڈ ڈرنکس شامل ہیں، جو ایک جزو کے طور پر کھجور کی متنوع صلاحیت کو ظاہر کرتے ہیں۔