شام؛ اسرائیل نے موقع غنیمت جان کر علاقوں پر قبضہ شروع کردیا

اسرائیل نے شام میں باغیوں کے ملک پر قبضے کو موقع غنیمت سمجھ کر مقبوضہ گولان سمیت سرحد کے متعدد علاقوں میں اپنی فوجیں بھیجنا شروع کردیں۔

"بغداد الیووم” کی رپورٹس کے مطابق اسرائیلی فوج نے سرحد پر واقع قنیطرہ میں شامی فوج کے ہتھیاریوں کے ذخائر کو تباہ کرتے ہوئے قابض فوج نے شام کی سرحد پر ایک بفر زون قائم کردیا ہے۔
اسرائیلی فوج نے شامی حدود میں 15 میڑ تک گھس کے فائرنگ اور ٹینک سے گولہ باری کی۔

اسرائیلیوں نے شامی اپوزیشن کے جنگجوؤں کو سرحد کے قریب نہ آنے کیلئے مطلع کرتے ہوئے خبردار کیا ہے کہ اگر اسرائیل نے فورسز کے معاہدے کی علیحدگی کی خلاف ورزی کی تو وہ طاقت سے جواب دے گا۔

مزید پڑھیں: شامی باغیوں نے بشار الاسد کے 24 سالہ اقتدار پر قبضہ جمالیا

واضح رہے کہ اقوام متحدہ کی امن فوج اسرائیل اور شام کے درمیان تقریباً 235 مربع کلومیٹر کے بفرزون کو کنٹرول کرتی ہے تاہم صہیونی قابض فوج شامی علاقوں پر قبضہ کرنے کا ارادہ رکھتی ہے۔

مزید پڑھیں: شامی باغی مجرمانہ جرائم کے مرتکب ہونے لگے

اسرائیلی فوج نے 1967 میں گولان کی پہاڑیوں پر شام سے قبضہ کرتے ہوئے 1981 میں اس کا الحاق کرلیا تھا۔ بین الاقوامی قانون کے تحت اسٹریٹجک لحاظ سے اہم چٹانی سطح مرتفع کو شام کا علاقہ اسرائیل کے قبضے میں سمجھا جاتا ہے۔

ڈونلڈ ٹرمپ کی ریاستہائے متحدہ کے صدر کے طور پر پہلی مدت کے دوران، گولان کی پہاڑیوں پر اسرائیل کی خودمختاری کو تسلیم کیا تھا۔