ٹاک ٹاک نے امریکا میں پابندی سے بچنے کیلئے نیا قدم اٹھا لیا

ٹک ٹاک انتظامیہ نے امریکا میں پابندی سے بچنے کیلئے عدالت سے مزید وقت مانگنے کیلئے درخواست دائر کر دی۔

غیر ملکی میڈیا کے مطابق بائیٹ ڈانس اور ٹک ٹاک دونوں کمپنیوں کی جانب سے ڈسٹرکٹ آف کولمبیا کی کورٹ آف اپیلز میں ایمرجنسی درخواست دائر کی گئی  ہے جس کے تحت 19 جنوری تک ٹک ٹاک کو امریکا میں فروخت نہ کرنے پر اس پر پابندی عائد ہو جائے گی۔

کمپنی درخواست میں کہا گیا کہ 19 جنوری 2025 کو قانون کا اطلاق ہو جائے گا اور ٹک ٹاک کو بند کرنا پڑے گا، جو ایسا پلیٹ فارم ہے جسے ہر ماہ 17 کروڑ سے زائد امریکی شہری استعمال کرتے ہیں۔

مزید پڑھیں:عدالت نے ٹک ٹاک پر پابندی لگادی

مزید پڑھیں:ٹک ٹاک ویڈیو بناتے نئی نویلی دلہن نے خود کو گولی مارلی

6 دسمبر کو عدالت کے تینوں ججوں نے متفقہ فیصلے میں ٹک ٹاک کی اس درخواست کو مسترد کر دیا کہ یہ قانون غیر آئینی ہے۔ کورٹ آف اپیلز کے 3 ججوں پر مشتمل پینل نے قومی سلامتی سے متعلق خدشات کو جواز قرار دیتے ہوئے ٹک ٹاک پر مجوزہ پابندی کے قانون کو برقرار رکھا تھا۔

اس امریکی قانون کے تحت ٹک ٹاک کو 19 جنوری تک امریکا میں کمپنی کو فروخت کرنے کی ہدایت کی گئی ہے۔ اس مدت میں کمپنی کو فروخت نہ کرنے پر امریکا میں ٹک ٹاک پر پابندی عائد کر دی جائے گی۔