ٹرمپ نے اپنی حلف برداری میں چینی ہم منصب کو دعوت دیدی

امریکہ کے نومنتخب صدر ڈونلڈ ٹرمپ نے چین کے ہم منصب کو 20 جنوری 2025 کو اپنی حلف برداری کی تقریب میں شرکت کی دعوت دیدی۔

غیر ملکی میڈیا کے مطابق نو منتخب صدر ڈونلڈ ٹرمپ کی جانب سے چینی صدر شی جن پنگ کو تجارت اور فینٹانل کی اسمگلنگ پر دونوں ممالک کے درمیان بڑھتی ہوئی کشیدگی کے باوجود یہ دعوت دی گئی ہے۔

امریکی میڈیا کے مطابق ٹرمپ کی جانب سے حلف برداری کی دعوت 5 نومبر کو ہونے والے صدارتی انتخابات کے فورا بعد نومبر کے اوائل میں دی گئی تھی، تاہم یہ واضح نہیں ہے کہ آیا اسے قبول کیا گیا ہے یا نہیں۔

مزید پڑھیں:ٹرمپ نے والد کو قتل کرنیوالی خاتون کو بڑا عہدہ دے دیا

این بی سی نیوز کو دیے گئے ایک انٹرویو میں ٹرمپ نے کہا کہ وہ شی جن پنگ کے ساتھ بہت اچھے تعلقات رکھتے ہیں اور انہوں نے اس ہفتے حال ہی میں بات چیت کی تھی۔

دوسری جانب امریکہ میں چینی سفارت خانے نے فوری طور پر تبصرہ کرنے کی درخواست پر تبصرہ نہیں کیا ہے۔ امریکہ کے نومنتخب صدر نے اپنی آنے والی انتظامیہ میں کئی چینی رہنماؤں کو اہم عہدوں پر تعینات کیا ہے۔ انہوں نے سینیٹر مارکو روبیو کو وزیر خارجہ بنایا۔

ٹرمپ نے اعلان کیا ہے کہ اگر بیجنگ انتہائی نشہ آور منشیات فینٹانل کی اسمگلنگ کو روکنے کیلئے مزید اقدامات نہیں کرتا ہے تو وہ چینی مصنوعات پر اضافی 10 فیصد ٹیرف عائد کریں گے۔

ؒخیال رہے کہ نومنتخب امریکی صدر نے انتخابی مہم کے دوران چینی مصنوعات پر 60 فیصد سے زائد محصولات عائد کرنے کی دھمکی بھی دی تھی۔

چین کے سرکاری میڈیا نے نومبر کے اواخر میں ٹرمپ کو متنبہ کیا تھا کہ فینٹانل کے بہاؤ پر چینی مصنوعات پر اضافی محصولات عائد کرنے کا ان کا وعدہ دنیا کی دو بڑی معیشتوں کو باہمی تباہ کن ٹیرف جنگ میں دھکیل سکتا ہے۔