مشی خان نے یوٹیوبر رجب بٹ کے ناقدین کو آڑے ہاتھوں لے لیا

اداکارہ مشی خان یوٹیوبر رجب بٹ پر ان کی غیر معمولی شادی کی وجہ سے ہونے والی تنقید کے خلاف پھٹ پڑیں۔

ایک بیان میں مشی خان نے دلیل دی کہ رجب بٹ کی رفاہی عطیات دینے کی تاریخ ہے اور انہیں اپنی مرضی کے مطابق اپنا پیسہ خرچ کرنے کا پورا حق ہے۔

اداکارہ کا کہنا تھا کہ لوگ رجب بٹ کو ان کی شادی کو شاندار طریقے سے منانے پر تنقید کا نشانہ بنا رہے ہیں اور مشورہ دے رہے ہیں کہ انہیں اس رقم کو غریب خاندانوں کے لئے شادیوں کا انتظام کرنے یا کمزور افراد کی مدد کرنے کے لئے استعمال کرنا چاہئے تھا۔

مشی خان نے اس تنقید کا جواب دیتے ہوئے کہا کہ رجب بٹ پر تنقید کرنے والے شاید خود خیراتی کاموں میں حصہ نہیں ڈالیں گے۔

انہوں نے اس بات پر روشنی ڈالی کہ رجب بٹ پہلے ہی ضرورت مندوں کی مالی مدد کر رہے ہیں۔

اپنی بات جاری رکھتے ہوئے اداکارہ کا کہنا تھا کہ یہ ذاتی انتخاب کا معاملہ ہے، پنجاب میں شادیوں میں پیسے برسانا ثقافتی طور پر عام بات ہے اور میں نے اپنی پوری زندگی پنجاب میں شادی کی شاندار تقریبات دیکھی ہیں۔

 

View this post on Instagram

 

A post shared by Mishi Khan MK (@mishikhanofficial2)

انہوں نے دلیل دی کہ حکام کو صرف رجب بٹ کو نشانہ بنانے کے بجائے ان لوگوں پر توجہ مرکوز کرنی چاہئے جو شادی میں ہتھیار لائے اور ان کی رضامندی کے بغیر شیر کا بچہ تحفے میں دیا۔

اداکارہ نے شادی کی تقریب کے بعد شیر کے بچے کو رکھنے کے الزام میں یوٹیوبر کی فوری گرفتاری پر بھی تشویش کا اظہار کیا اور کہا کہ رجب بٹ کو صورتحال سے نمٹنے کے لئے مناسب وقت نہیں دیا گیا۔

میشی خان نے نشاندہی کی کہ پنجاب میں پرتعیش شادیاں ایک ثقافتی معمول ہے جہاں لوگ اکثر رجب بٹ کے مقابلے میں کافی زیادہ خرچ کرتے ہیں لیکن سوشل میڈیا پر موجودگی نہ ہونے کی وجہ سے ان پر توجہ نہیں دی جاتی۔