عائزہ خان برسوں پُرانا خواب پورا کرنے کیلئے لندن پہنچ گئیں

لندن: اداکارہ عائزہ خان نے اداکاری کی تربیت لینے کیلئے لندن کی ’رائل اکیڈمی آف ڈرامیٹک آرٹ‘ کا رخ کر لیا۔

اداکارہ نے فوٹو اینڈ ویڈیو شیئرنگ ایپ پر تصاویر کا ایک سلسہ  پوسٹ کرتے ہوئے بتایا کہ انہوں نے تعلیم کا سلسلہ دوبارہ شروع کر دیا اور اب باقاعدہ اداکاری کی تربیت لینے کیلئے لندن کی رائل اکیڈمی آف ڈرامیٹک آرٹ کا رخ کیا ہے جو انکا برسوں پرانا خواب تھا۔

انسٹاگرام پوسٹ میں عائزہ نے کہا کہ ‘جب میں نے 17 برس کی عمر میں اداکاری شروع کی تو تھیٹر پڑھنا میرا خواب تھا، لیکن اس وقت میری زندگی کے حالات کی وجہ سے یہ خواب دور سے دور ہوتا چلا گیا’۔

مزید پڑھیں:عائزہ خان نے پسندیدہ مرد اداکاروں کی فہرست جاری کر دی

انہوں نے بتایا کہ ‘آخر کار کئی سال کی محنت کے بعد اب میں اسکول واپس جانے اور لندن میں رائل اکیڈمی آف ڈرامیٹک آرٹس میں داخلہ لینے کیلئے وقت اور وسائل کی استطاعت رکھتی ہوں، دوبارہ خود کو نوجوان محسوس کرنا بہت تازگی بھرا احساس ہے’۔

View this post on Instagram

 

A post shared by Ayeza Khan (@ayezakhan.ak)

اداکارہ نے مزید کہا کہ ‘کئی سال اپنے کریئر اور خاندان کیلئے وقف کرنے کے بعد ننھی عائزہ کے خوابوں کو جینا درست لگتا ہے لیکن اس میں سے کچھ بھی میری والدہ اور والد کے تعاون کے بغیر ممکن نہیں تھا، وہ اس کیریئر کے آغاز سے ہی میرے ساتھ ہیں’۔’