حماس نے یمنی مزاحمتی تحریک انصار اللہ سے مدد مانگ لی

فلسطین کی مزاحمتی تحریک حماس کے ترجمان نے یمن کی انصار اللہ سے مدد مانگ لی۔

حماس کی عسکری شاخ القسام بریگیڈ کے ترجمان ابوعبیدہ نے اپنے پیغام میں یمن کی مزاحمتی تحریک انصار اللہ کے اسرائیلی جارحیت کیخلاف اقدامات کو سراہا اور انکے میزائل حملوں کی تعریف کی۔

القسام بریگیڈ کے ترجمان نے یمنی مزاحمتی تحریک سے مطالبہ کیا کہ وہ قابض اسرائیلی فوج کیخلاف حملوں میں تیزی لائیں تاکہ دشمن کے بھرم کو کچلا جاسکے۔

مزید پڑھیں: یرغمالی چاہیے ہیں تو مذاکرات میں شرائط سے باز رہو! حماس

ابوعبیدہ نے یمن کے خلاف اسرائیلی حکومت کے دہشت گردانہ حملوں کی مذمت کرتے ہوئے کہا کہ صہیونی حملے اس بات کا ثبوت ہیں کہ یہ رجیم تمام اقوام کی دشمن ہے۔

مزید پڑھیں: غزہ جنگ: فلسطینی خاندان نے امریکی حکومت کیخلاف مقدمہ درج کرادیا

دوسری جانب اسرائیل اور حماس کے درمیان جنگ بندی معاہدے کیلئے مذاکرات جاری ہیں تاہم مزاحمتی تحریک نے صہیونی ریاست کو خبردار کیا ہے کہ وہ غزہ میں جنگ بندی معاہدے کیلئے مزید نئی شرائط سے باز رہے۔

حماس کا کہنا ہے کہ صہیونی حکام اگر جنگ بندی کے مذاکرات پر لچک دکھائیں گے تو یرغمالیوں کی رہائی ممکن ہوسکے گی۔