کیا ایئر فرائرز خفیہ طور پر آپ کی جاسوسی کر رہے ہیں؟

ماہرین نے خبردار کیا ہے کہ ایئر فرائرز خفیہ طور پر آپ کا ذاتی ڈیٹا جمع کر رہے ہیں۔

آج کی دنیا میں زیادہ تر افراد ڈیوائسز پر منحصر ہیں اب کسی سوالات کا جواب دیکھنا ہو، موسیقی سننی ہو یا پھر موسم کے بارے میں تازہ ترین معلومات لینی ہوں۔

لیکن ایک ایئر فرائر؟ یہ ایک ایسا گیجٹ ہے جس کی زیادہ تر لوگ توقع نہیں کریں گے۔

ان باورچی خانے کے آلات کو رابطے کے بجائے کھانے کو  بغیر تیل کے تیزی سے تلنے کی صلاحیت کی وجہ سے پسند کیا جاتا ہے۔

تو ایئر فرائر کو آپ کے مائکروفون یا دیگر ذاتی ڈیٹا تک رسائی کی ضرورت کیوں ہوگی؟

صارفین کی وکالت کرنے والے گروپ کی طرف سے ایک نئی تحقیق ‘حد سے زیادہ اسمارٹ ڈیوائس کی نگرانی’ میں چینی برانڈز شیاؤمی، ٹینسینٹ اور ایگو اسٹار کے تین ماڈلز پر توجہ مرکوز کی گئی۔

اس میں پایا گیا کہ ان آلات نے صارفین سے واضح وجوہات فراہم کیے بغیر آڈیو ریکارڈنگ کی اجازت طلب کی۔

قابل ذکر بات یہ ہے کہ مطالعے میں نشاندہی کی گئی ہے کہ شیاؤمی اور ایگو اسٹار دونوں نے اپنے پرائیویسی نوٹس میں شامل کیا ہے کہ ذاتی ڈیٹا چین میں واقع سرورز کو بھیجا جاسکتا ہے۔

ان پریشان کن انکشافات کے علاوہ ، شیاؤمی فرائر کی ایپ کو فیس بک اور پینگل کے ٹریکرز سے منسلک کیا گیا تھا، یہ ایک اشتہاری نیٹ ورک ہے جو عام طور پر ٹک ٹاک فار بزنس کے ذریعہ استعمال ہوتا ہے۔

ایکو اسٹار ایئر فرائرز نے صارف کی جنس اور تاریخ پیدائش جیسی اضافی تفصیلات کی درخواست کی۔

اگرچہ ان فیلڈز کو اختیاری کے طور پر نشان زد کیا گیا تھا  لیکن تینوں ایئر فرائرز نے بھی اپنے صارفین کے صحیح مقام تک رسائی حاصل کرنے کی کوشش کی۔

جب ایکو اسٹار سے تبصرہ کے لئے رابطہ کیا گیا تو انہوں نے کہا کہ ان کے ایئر فرائر آڈیو ریکارڈنگ کے قابل نہیں اور وضاحت کی ہم اپنے آلات سے آڈیو ڈیٹا جمع نہیں کرتے۔

کمپنی نے مزید وضاحت کی کہ لوکیشن کی اجازت صرف وائی فائی سیٹ اپ اور ڈیوائس کنکٹیویٹی کو فعال کرنے کے لئے تھی۔

آئیگو اسٹار نے مزید کہا کہ اگرچہ کچھ عام معلومات ہماری رازداری کی پالیسی میں درج ہیں، ہم فعال طور پر اپنے ڈیٹا کے طریقوں کو ہموار کر رہے ہیں۔