سعودی عرب نے یمن کو 500 ملین ڈالر کی امداد فراہم کردی

سعودی عرب نے یمنی معیشت کو مستحکم کرنے اور عوام کی فلاح کے لیے 500 ملین ڈالر کی خطیر رقم فراہم کردی۔

غیر ملکی میڈیا رپورٹس کے مطابق سعودی عرب کی جانب سے یہ امداد یمنی حکومت کی مالیاتی مشکلات کو کم کرنے، مرکزی بینک کو مضبوط بنانے اور ملک میں استحکام لانے کے لیے دی گئی۔

یہ امداد یمنی عوام کے لیے غذائی تحفظ کو یقینی بنانے اور حکومتی اداروں کی صلاحیتوں کو بڑھانے میں مددگار ثابت ہوگی۔

امداد کے اہم مقاصد میں بجٹ اور تنخواہوں کے اخراجات پورے کرنا، اقتصادی اصلاحات کے منصوبے کو نافذ کرنا اور نجی شعبے کی ترقی کو فروغ دینا شامل ہے۔

یہ اقدام سعودی ترقیاتی اور تعمیر نو پروگرام برائے یمن کے تحت اٹھایا گیا ہے۔

اس پروگرام کا کا مقصد جنگ زدہ یمن میں استحکام اور ترقی کی راہ ہموار کرنا ہے۔