یمن کا اسرائیل پر ایک اور میزائل حملہ

بہادر یمنی افواج نے اسرائیل پر تازہ میزائل حملہ کرکے صیہونیوں کی نیندیں اُڑا دیں۔

اسرائیل کی میگن ڈیوڈ اڈوم (ایم ڈی اے) ایمرجنسی رسپانس سروس نے بتایا کہ یمنی حملے کے نتیجے میں ایک شخص زخمی ہوا ہے۔

یمن کا تازہ ترین میزائل حملہ ایسے وقت میں کیا گیا جب چند گھنٹے قبل امریکا اور برطانیہ کے بحری اتحاد نے جمعے کی رات یمنی دارالحکومت صنعا پر ایک تازہ فضائی حملہ کیا تھا جس میں شہر کے پہلے آرمر ڈویژن کو نشانہ بنایا گیا تھا۔

یمن کے المسیرہ ٹیلی ویژن چینل نے خبر دی ہے کہ فضائی حملے نے پورے شہر کو ہلا کر رکھ دیا اور ایمبولینسوں کو نشانہ بنائے گئے مقام کی طرف جاتے ہوئے سنا گیا۔

یمنی حکام نے ابھی تک ممکنہ ہلاکتوں اور نقصانات کے بارے میں کوئی معلومات ظاہر نہیں کی ہیں۔

یمنی عوام نے اسرائیلی قبضے کے خلاف فلسطین کی جدوجہد کی کھلی حمایت کا اعلان کیا ہے۔

یمن کی مسلح افواج نے کہا ہے کہ وہ اس وقت تک اپنے حملے بند نہیں کریں گے جب تک غزہ میں اسرائیلی زمینی اور فضائی حملے ختم نہیں ہو جاتے۔

امریکہ اور برطانیہ نے دسمبر میں اسرائیل کی حمایت میں یمن کو نشانہ بنانے کے لیے فوجی اتحاد کا اعلان کیا تھا۔