کیا کرسٹیانو رونالڈو نے ماورا حسین کو نئے سال کی مبارکباد دی؟

پاکستانی اداکارہ ماورا حسین نے جب انسٹاگرام پر فٹبال اسٹار کرسٹیانو رونالڈو کے آفیشل اکاؤنٹ سے ‘نئے سال کی مبارک باد’ کا براہ راست پیغام دیکھا تو وہ اپنے جوش و خروش پر قابو نہ رکھ سکیں۔

ماورہ حسین نے اپنی انسٹاگرام اسٹوریز پر اس پیغام کا اسکرین شاٹ شیئر کرتے ہوئے لکھا کہ ‘سال بن گیا ہے’، اس کے ساتھ ہی اداکارہ نے سفید دل اور روتے ہوئے چہرے کا ایموجی کا استعمال کیا۔

تاہم جانچ پڑتال کرنے پر ہمیں پتہ چلا کہ یہ پیغام ماورا کے لئے ذاتی نوٹ نہیں بلکہ رونالڈو کے براڈکاسٹ چینل کا ایک حصہ تھا، انسٹاگرام پر ایک خصوصیت جو بااثر افراد اور مشہور شخصیات کو اپنے پیروکاروں کو اپ ڈیٹس بھیجنے کی اجازت دیتی ہے۔

اگرچہ یہ براہ راست، ون آن ون بات چیت نہیں تھی لیکن فٹ بال لیجنڈ کے آفیشل اکاؤنٹ سے پیغام دیکھنے کا جوش کسی کو بھی دن بنانے کے لئے کافی تھا۔

ماورا نے جو پیغام شیئر کیا وہ عوامی شخصیات کے نشریاتی چینلز کی جانب سے بھیجا جانے والا خودکار جواب تھا جس میں انسٹاگرام کے ہزاروں صارفین شامل ہیں۔

رونالڈو کے براڈکاسٹ چینل کا پیغام شیئر کرنے پر سوشل میڈیا صارفین نے ماورا حسین کو تنقید کا نشانہ بھی بنایا ہے۔

اگرچہ اداکارہ نے خود اس مسئلے پر بات نہیں کی لیکن انٹرنیٹ صارفین نے طنزیہ تبصروں کے ساتھ انہیں ٹرول کرنے میں کوئی وقت ضائع نہیں کیا۔

ایک انسٹاگرام صارف نے تبصرہ کیا کہ میں واقعی اس کے لئے بہت شرمندہ ہوں۔

دوسرے لوگوں نے یہ انکشاف کرتے ہوئے کہا کہ انہیں بھی اپنے ڈی ایم میں یہی پیغام موصول ہوا تھا، جس سے پتہ چلتا ہے کہ اس میں کوئی خاص بات نہیں ہے۔